=1
Umunsi ku wundi humvikana ingo zisenyuka bidatewe atari uko
zabuzemo ibizitunga, ahubwo byaturutse ku kuba umwe mu bashakanye afite intege
nke zituma igikorwa cyo mu buriri kitubahirizwa uko bikwiye.
Nubwo hatagaragazwa
umubare nyakuri w’ingo zisenyuka bitewe n’iki kibazo, hakunze kumvikana abagore
cyangwa abagabo bafatwa baciye inyuma abo bashakanye, ikibazo kikaba ko umwe
muri abo yananiwe kubahiriza inshingano zo gukora imibonano mpuzabitsina.
Nyuma y’igihe farumasi
izwi nka Depham izobereye mu gukwirakwiza imiti igerageza gushaka umuti w’iki
kibazo, ubu Minisiteri y’Ubuzima yamaze kuyiha uburenganzira bwo gucuruza
ikinyobwa kizwi nka Kopi Vitamin gikomoka mu gihugu cya Malasyia, gikemura iki
kibazo ingo zikongera kurangwamo amahoro.
Iyi farumasi iherereye
mu Mujyi wa Kigali mu isoko rya Nyarugenge.
Umuyobozi wa Farumasi
Depham Dr Dushimimana Abel, yasobanuye ko ubu abagiraga intege nke mu gukora
imibonano mpuzabitsina igisubizo cyabo cyabonetse.
Yatangaje ko iyi
farumasi imaze imyaka ine itangiye ubucuruzi bw’imiti n’ibikoresho byo kwa
muganga ikaba ikorera mu gihugu cyose. Ivana imiti mu Mujyi wa Kigali, i
Burayi, muri Kenya n’ahandi.
Ikiganiro
kirambuye Dr Dushimimana yagiranye na IGIHE
IGIHE: Ikinyobwa
cya Kopi Vitamin kigizwe n’iki?
Dr
Dushimimana: Iki kinyobwa ni gishya hano mu Rwanda ariko hari hashize
igihe dusabye ko Minisiteri y’Ubuzima yacyemera. Murabizi ko ibinyobwa byose
bivuye hanze Minisiteri igomba kubyemera, twari dutegereje ko ibyemera kandi
ubu byamaze kwemerwa nyuma yo kukigenzura, niyo mpamvu twagishyize ku
mugaragaro kuko gifitiye abantu akamaro gakomeye.
Ni ikinyobwa gikorerwa
mu gihugu cya Malaysia kikaba kigizwe n’ibimera byo muri ako karere ariko
by’umwihariko kigizwe n’ibintu bitandatu aribyo;
Tongkali:
Tongkat ali: (Eurycoma Longifolio), iki ni igiti kiboneka cyane muri
Aziya kikaba by’umwihariko kimera muri Malaysia na Indonesia.
Kizwiho gutunganya
imisemburo ya kigabo no gukuza imikaya mu buryo butuma umugabo agira imbaraga n’imbaduko
mu mikorere, giha ingufu imisemburo y’umugabo akarushaho kubaka urugo cyangwa
se gutera akabariro, nk’abantu bakora siporo nabo kibafasha kugira imbaraga.
Guarana: Iva
ku giti kimera mu ishyamba rya Amazon, izwiho cyane mu gukomeza imbaraga z’ubwenge
no kwibuka, ikaruhura ubwonko kandi igakomeza imitsi y’ubwonko bituma umuntu
atekereza neza.
Gifasha kugira ingufu no
kugira imikanya ikomeye cyane, gifasha kandi kurwanya ikibazo cyo gucibwamo,
gifasha mu muvuduko w’amaraso iyo ufite muke irawuzamura.
Maca: Izwi
cyane mu kongera no kubaka intangangabo bituma zikura neza kandi zikagira
imbaraga ku buryo mu gihe cy’akabariro umugabo adahita acika intege cyangwa ngo
agere ku ndunduro y’ibyishimo rugikubita, iki cyo ni ikijumba kivanwa muri
Amerika y’Epfo, gifite ibyubaka umubiri byinshi, gifite kandi imyunyu myinshi.
Gifite ubushobozi bwo
kongera ingufu mu kurwanya indwara, gifasha gutunganya intanga z’umugabo
bikarushaho kumera neza.
Stevia: Ni
ikimera kibarizwa muri Amerika y’Epfo. Ni isukari nziza iruta izindi zose kuko
irwanya umubyibuho ukabije, igakamura ibinure, ikavura umunaniro udashira,
ikaringaniza umuvuduko w’amaraso ari nayo mpamvu ikundwa cyane n’abarwaye
diabète, iki kirusha ingufu isukari inshuro 20 ariko gifite n’ukuntu kitongera
isukari mu mubiri, gikoreshwa n’abarwaye diyabete, ni nziza ku buryo umuntu
yayikoresha.
Café :Si
ikawa ibonetse yose ! Hakoreshwa iyatoranyijwe mu zikunzwe ku Isi hakurikijwe
ubwiza n’umumaro wayo. Yagaragajwe nyuma y’ubushakashatsi nk’ifite ububasha bwo
kurwanya kanseri y’umwijima, mu kanwa no mu muhogo ndetse ivura indwara yo
kugwa amarabira.
Amata: Ntabwo
ari amata abonetse yose ni amata bakuyemo amavuta, ubundi birazwi ko amavuta
atari meza ku mubiri kuko iyo uriye menshi cyane cyane ava ku nka, ntabwo aba
meza yagutera imitsi, abahanga bafashe icyemezo cyo gushyiramo amata bakuyemo
amavuta.
Ibi byose iyo biri kumwe
bituma Kopi Vitamin igira umumaro ku mubiri w’umuntu cyane cyane ku bantu
bakora cyane, abageze mu zabukuru, abatekereza cyane ndetse n’abahorana umunaniro
ukabije.
IGIHE: Iki
kinyobwa gifasha gute abafite ubushake buke mu mibonano mpuzabitsina?
Dr
Dushimimana:Iki kinyobwa gifasha umubiri w’umuntu mu kongera ubushake iyo
abantu batagira ubushake bwo kubaka urugo, urumva ko icyo ni ikibazo ku bantu
bashakanye, ifasha abafite intege nke kubyerekeye imibonano mpuzabitsina.
Hari abantu bagira
umurego ariko uwo murego ntumare akanya cyangwa se akaba yarangiza vuba, aho
rero niho Kopi Vitamin ifite umumaro ikora ku buryo abo nabo bagira imibonano
myiza kandi ikaba yatera amahoro mu rugo, mu bindi ikora ni uko inakingira
umwijima ndetse n’ubugabo busanzwe bukora intangangabo.
Ikindi murabizi ko
abantu barengeje imyaka 55 usanga aribo bakunze kugira intege nke muri rusange
no gutera akabariro, Kopi Vitamin, rero ibagirira akamaro mu buryo bugaragara.
IGIHE:Ni
bande bemerewe gukoresha Kopi Vitamin?
Dr
Dushimimana: Iki kinyobwa gikoreshwa na buri wese keretse abana,
abagore batwite cyangwa se abonsa ndetse n’abafite ikibazo cy’umutima ariko
gikomeye cyane, iyo uyinyoye kandi uba ugomba kugabanya inzoga wanywaga.
IGIHE:Ese
ikibazo cy’ingo zisenyuka kubera kudatera akabariro kirahari koko?
Dr
Dushimimana: Nta mibare nzi iriho yerekana iki kibazo ariko iki ni
ikibazo abantu mu Rwanda batavuga mu ruhame, usanga babihisha ahubwo ugasanga
babipfa ndetse bakitana ba mwana, niba umwe adateye urubariro usanga umwe
atekereje ibindi.
Nkeka ko byaba byiza
ababishinzwe babirebye kuko nkeka ko ingo zisenyuka cyane muri iyi minsi, iki
kibazo ari kimwe mu bibitera kandi ibisubizo bihari.
IGIHE:Abantu
batazi gukoresha Kopi Vitamin babigenza gute?
Dr
Dushimimana: Ubundi uko iki kinyobwa kimeze ni uko gikozwe mu buryo
bw’Ifu iba iri mu isashe, agasashe kamwe kaba gafite garama 20, noneho tuba ari
dutandatu cyangwa umunani turi mu gakarito kamwe.
Uko ubigenza ni uko
ufata ako gasashe ugashyushya amazi angana n’ikirahure cya mililitiro 100-120,
iyo umaze kugashyiramo iratangira ikayenga nyuma ukanywa, urugero uko umuntu
anywa ikawa ni we wimenya uko abigenza.
Kumenya iyo unywa ni uko
umara iminsi 12 ariko biterwa n’uko cya kibazo cyawe cy’ingufu nkeya ufite
gihagaze, iyo kimaze gusubira ku murongo ufata agasashe kamwe buri minsi itatu.
Ariko niba wumva isashe
imwe mu mazi iguteye ingufu nyinshi cyane ubwo uragabanya, ukaba wafata kimwe
cya kabiri cyangwa se kimwe cya gatatu.
Hari n’igihe uba
ugitangira ukumva bigenda neza, wafata isashe imwe buri minsi ibiri cyangwa se
ugafata igice cy’isashe buri munsi biterwa n’uko wiyumva.
IGIHE:Abagiraga
ikibazo mu mibonano mpuzabitsina bumve ko ikibazo cyabo gikemutse?
Dr
Dushimimana: Ndi muganga kandi ndabizi neza ko abantu bajya bagira
intege nkeya mu byekerekeye imibonano mpuzabitsina ariko ubu igisubizo
kirahari, twe icyo tugomba gukora ni uko iki kinyobwa kigomba kuboneka buri
gihe kugira ngo kitazabura.
Iki kinyobwa ugikeneye
waduhamagara kuri 0787873148